Регулаторната комисија за енергетика, водни услуги и услуги за управување со комунален отпад (РКЕ) одлучи од ноќеска на полноќ да се зголеми цената на дизел-горивото за половина денар по литар. Цените на бензините остануваат непроменети.
Со оваа одлука, вкупното зголемување на малопродажните цени на нафтените деривати е во просек 0,26%.
Новите цени на горивата се:
- ЕУРОДИЗЕЛ БС (Д-Е V): 69,5 денари за литар (зголемување од 0,5 денари).
- ЕУРОСУПЕР БС-95: 75,5 денари за литар (непроменета цена).
- ЕУРОСУПЕР БС-98: 77,5 денари за литар (непроменета цена).
- Екстра лесно масло за домаќинство (ЕЛ-1): 69 денари за литар (непроменета цена).
- Малопродажната цена на мазутот М-1 НС се зголемува за 0,207 денари за килограм и ќе изнесува 36,947 денари.
Од РКЕ посочуваат дека на светскиот пазар референтните цени на бензините се намалени, додека цените на дизелот, екстра лесното масло и мазутот се зголемени. Курсот на денарот во однос на доларот е понизок за 0,6675% во споредба со претходната пресметка.
