Фудбалската федерација на Македонија (ФФМ) донесе одлука со која се укинува плаќањето котизација за клубовите што се натпреваруваат во Втората македонска фудбалска лига (МФЛ). Оваа мерка е прва од ваков вид по речиси 15 години.
Според претседателот на ФФМ, Масар Омерагиќ, одлуката е значаен чекор кон создавање подобри услови за работа и финансиско олеснување за клубовите.
„Со оваа мерка, клубовите се ослободуваат од вкупен финансиски товар од 128.000 евра по сезона, што е директна поддршка и зајакнување на нивната стабилност“, изјави Омерагиќ.
