Попладневното силно невреме, проследено со интензивен ветер, предизвика паднати дрва на повеќе локации во Општина Карпош.
Општинските екипи веднаш реагираа и веќе интервенираа на две критични точки:
Успешно се отстранети паднати стебла и скршени гранки од улицата „Никола Парапунов“ во населбата Карпош 4.
Расчистен е и паркот Делфина во Влае.
Општината ги повикува граѓаните да пријават доколку забележат паднати дрва, оштетена урбана опрема или други проблеми предизвикани од невремето. Пријавите можат да се направат на телефонскиот број 071/213-692, а контакт лице е Елмас.
Целта е заедно да се одржи општината безбедна и уредна.
