По пријави од граѓаните за појава на глодари во близина на напуштен објект зад катната гаража во Буњаковец, службите на Општина Центар веднаш излегоа на терен за расчистување и дератизација.
Целта на оваа акција е да се спречи размножувањето на глодарите и ризикот од зарази. Чистењето и дератизацијата ќе продолжат утре на објектите зад училиштето „Јохан Хајнрих Песталоци“.
Општината ги повикува граѓаните да продолжат да пријавуваат вакви случаи, за да може навремено да се преземаат мерки.
