Градоначалникот на Општина Кисела Вода и кандидат за градоначалник на Скопје од ВМРО-ДПМНЕ, Орце Ѓорѓиевски, одржа состанок со тим од врвни експерти за да работи на својата изборна програма.
Во тимот се вклучени:
- Проф. д-р Мишко Ралев
- Проф. д-р Огнен Марина
- Проф. д-р Горан Мијоски
- Аљоша Шопар
- Славче Трпески
Според Ѓорѓиевски, целта на соработката е да се изработи програма со иновативни и современи решенија за урбаниот развој на главниот град.
Главниот фокус на програмата е на урбанизмот, транспортот и животната средина.
Ѓорѓиевски нагласи дека се предвидува систематско решавање на урбаниот хаос, како и трајни решенија за сообраќајниот метеж и модернизација на јавниот превоз, со цел да се добие функционален и одржлив систем во Скопје.
