Португалскиот репрезентативец Жоао Палиња повторно ќе игра во Премиер лигата, овојпат во дресот на Тотенхем, каде пристигнува на едногодишна позајмица од Баерн Минхен.
Ова е уште еден доказ за блиската соработка меѓу двата европски гиганти, откако во изминатите сезони патеката меѓу Минхен и Лондон ја поминаа и Хари Кејн, Ерик Дајер и Матис Тел.
Палиња добро го познава англиското првенство, од 2022 до 2024 година беше еден од клучните фудбалери на Фулам. Доколку и клубот и играчот бидат задоволни по завршувањето на сезоната, договорот предвидува можност за откуп на договорот по цена од 30 милиони евра.
Со ова, Тотенхем добива искусен дефанзивен играч за средниот ред, а Палиња шанса за поголема минутажа и враќање на старата форма.
