Основното јавно обвинителство Скопје поведе постапка против четири лица поради основано сомнение дека учествувале во извршување на кривичното дело „Загрозување на животната средина и природата со отпад“.
Обвинителството вечерва ќе побара мерка 48-часовен притвор за да се обезбедат докази.
Истрагата е насочена кон:
- 56-годишен маж, управител и сопственик на две правни лица.
- 22-годишна жена, управителка на трето правно лице.
- 42-годишен маж, раководител на подружница.
- 59-годишен маж, вработен во правно лице.
Обвинителството истакнува дека се испитува и потенцијална одговорност на други лица. Во тек се повеќе наредби за обезбедување докази, а се очекуваат и резултатите од мерењата на загадувањето на воздухот од Министерството за животна средина.
