Ноќеска избувнал пожар во скопската населба Козле, на улицата „Јуриј Гагарин“, во близина на основното училиште „Владо Тасевски“.
Пожарната бригада на Скопје интервенирала со четири возила, откако пламенот зафатил една шупа, а поради големината на пожарот бил оштетен и покривот на соседната куќа.
Командирот на Противпожарната бригада, Ѕвонко Томевски, изјави дека пожарот бил голем и дека им биле потребни два часа за целосно да го изгаснат.
Во инцидентот нема повредени лица, а причината за пожарот дополнително ќе се утврдува.
