Регулаторната комисија за енергетика (РКЕ) денеска донесе одлука за зголемување на малопродажните цени на горивата. Од полноќ, цените на сите видови бензини и дизел ќе се зголемат за еден денар по литар.
Според одлуката на РКЕ, новите цени на нафтените деривати се:
- ЕУРОСУПЕР БС – 95: 76 денари
- ЕУРОСУПЕР БС – 98: 78 денари
- ЕУРОДИЗЕЛ БС (Д-Е V): 69,5 денари
- Екстра лесно масло за горење (ЕЛ-1): 69 денари
Малопродажната цена на Мазутот М-1 НС се намалува за 1,245 денари и ќе изнесува 37,148 денари за килограм.
РКЕ објасни дека зголемувањето се должи на растот на референтните цени на нафтените деривати на светскиот пазар, кои кај бензините се зголемиле за 2,869%, кај дизелот за 2,557%, а кај екстра лесното масло за 3,327%. Во исто време, забележано е намалување на цената на мазутот за 4,292%. Курсот на денарот во однос на доларот е исто така понизок.
