Првиот вицепремиер и министер за животна средина и просторно планирање, Изет Меџити, денеска повторно го посети опожареното складиште во Трубарево. Во текот на посетата, тој изврши увид во функционирањето на новопоставената мерна станица за квалитет на амбиентниот воздух.
Мерната станица е поставена на барање на Министерството за животна средина и ќе работи 24/7 со цел постојано следење на квалитетот на воздухот и навремено информирање на јавноста. Граѓаните ќе можат да ги следат податоците во реално време.
Меџити беше придружуван од директорката на Државниот инспекторат за животна средина, Ивана Гиновска, и ректорот на Универзитетот „Гоце Делчев“ од Штип, проф. д-р Дејан Мираковски.
„Посетата има за цел да го потенцира значењето на мониторингот на квалитетот на воздухот и унапредувањето на животната средина преку меѓуинституционална соработка“, се вели во соопштението.
