По повод 8 Септември – Денот на независноста, денеска во касарната „Илинден“ во Скопје ќе се одржи почесна артилериска стрелба.
Од Генералштабот на Армијата информираат дека најпрво, во 18 часот, ќе се изврши пробна почесна стрелба со истрелување на еден плотун од шест артилериски орудија.
Главната почесна артилериска стрелба ќе се изврши во 19 часот, кога ќе бидат истрелани 10 плотуни од шест артилериски орудија.
Почесната стрелба е дел од протоколарните обврски на Армијата за одбележување на државните празници.
