По скоро двомесечна борба со тешка болест, легендарната музичка ѕвезда Халид Бешлиќ почина на 72-годишна возраст. Тој беше хоспитализиран во Клиничкиот центар на Универзитетот во Сараево кон крајот на август.
Роден на 20 ноември 1953 година во Кнежина кај Соколац, Бешлиќ остави неизбришлив белег на музичката сцена на поранешна Југославија и пошироко, со присуство на фолк сцената повеќе од 40 години.
Бешлиќ беше познат по својот препознатлив глас, емоционална интерпретација и длабока поврзаност со публиката, поради што беше омилен меѓу сите генерации.
Неговиот богат репертоар вклучува голем број хитови кои и денес се слушаат на овие простори, како што се: „Миљачка“, „Ја без тебе не могу да живим“, „Романија“, „Хеј зоро, не свани“, „Први пољубац“, „Нечу, нечу дијаманте“, „Севдах да се догоди“ и „Врачам се мајци у Босну“.
