Познатиот италијански моден дизајнер Џорџо Армани почина на 91-годишна возраст, соопшти „Армани Груп“.
Армани е познат по својата работа со која со децении вметнуваше совршена италијанска естетика во облеката и ја крена модата на холивудските црвени теписи на ново ниво.
Во денешниот луксузен пејзаж, во кој доминираат големите конгломерати, Армани беше еден од ретките дизајнери кој остана единствен акционер во својата компанија. Според аналитичарите на „Блумберг интелиџенс“, компанијата минатата година била проценета на 8 до 10 милијарди евра. Засега, нема очигледен наследник кој би го презел бизнисот.
