Од 16 до 19 октомври ќе се одржи уште едно издание на Скопскиот џез фестивал со богата и квалитетна програма. Сите главни концерти се одржуваат во Националната опера и балет (НОБ) со почеток во 20:00 часот, додека придружната програма – филмските проекции, е во Кино Фросина, МКЦ.
Билетите се достапни онлајн на mktickets.mk и на билетарницата на НОБ пред концертите.
16 октомври: Andrzej Jagodziński Trio и National Jazz Orchestra со Sigi Feigl & Luis Bonilla.
17 октомври: Marc Ribot: Map of a Blue City и Kahil El’Zabar’s Ethnic Heritage Ensemble (слават 50 години).
18 октомври: After the Wildfire Quartet (со светска премиера на албумот) и Goran Kajfeš Tropiques (со македонски гости).
19 октомври: Wadada Leo Smith & Sylvie Courvoisier Duo (последна европска турнеја на Смит) и James Brandon Lewis Quartet.
Придружната програма вклучува филмски проекции во МКЦ:
Денес (15 октомври): „WE WANT THE FUNK!“ (20:00 ч.).
18 октомври: „SUN RA: DO THE IMPOSSIBLE“ (17:00 ч.).
Фестивалот нуди програма која опфаќа големи имиња на светската џез сцена, од полскиот пијанист Анджеј Јагоѓински, преку визионерот Кахил Ел Забар, до најкреативниот жив американски музичар, Вадада Лио Смит.
