Вечерва во Даут-пашиниот амам во Скопје започнува 13. Интернационален литературен фестивал „ПРО-ЗА Балкан“. Фестивалот, кој ќе трае до 23 септември, годинава ќе биде предводен од лауреатот на наградата „Прозарт“ за 2025 година, словенечкиот писател и драматург Евалд Флисар.
На отворањето, Флисар ќе биде во друштво со гостите:
- Небојша Лапчевиќ (писател од Србија)
- Елена Алексиева (писателка од Бугарија)
- Јана Бауер (писателка од Словенија)
- Лидија Димковска (писателка од Македонија)
- Хана Корнети (писателка од Македонија)
Програма на фестивалот
22 септември:
11:00 часот, Европска куќа – Скопје: Средба на новинари со учесниците на програмата „Скопје Fellowship“, по што ќе следи средба за вмрежување меѓу издавачите.
18:00 часот, „Буква“: Промоција на книга од Јана Бауер.
20:00 часот, Европска куќа Скопје: Традиционална тркалезна маса на тема „Војни, вештачка интелигенција, литература“.
23 септември:
Бугарски културно-информативен центар: Средба на учесниците на „Скопје Fellowship“ и тркалезна маса на истата тема.
20:00 часот, Даут-пашин амам: Свечено затворање на фестивалот и доделување на наградата „Прозарт“ на Евалд Флисар.
Дополнителна програма и „Скопје фелоушип“
Во рамки на фестивалот се одржува и 12. програма „Скопје фелоушип“, на која учествуваат 15 издавачи од Европа и од Обединетите Арапски Емирати. Оваа програма е кофинансирана од Европската Унија.
Дополнително, на 26 септември, во Аудиокултура – Скопје ќе се одржи промоција на книгата „30 современи грчки автори“, со присуство на четворица грчки поети чии дела се застапени во неа.
Организатор на фестивалот е издавачката куќа „Прозарт медиа“ од Скопје.
