По цели пет децении, Општина Центар добива нова детска градинка! Оваа недела, свечено ќе биде отворена градинката „Пролет“, прва изградена на територијата на општината по 50 години.
Градинката е резултат на посветената работа на локалната самоуправа предводена од градоначалникот Горан Герасимовски, кој најави дека ова е само почеток на новата урбана приказна за Центар.
„Изградивме градинка по најсовремени стандарди – модерна, урбана и целосно прилагодена на потребите на децата и вработените. Еве вака изгледа, светски! Испишавме нова приказна за Центар,“ изјави Герасимовски.
Градинката „Пролет“ е простор кој нуди топлина, безбедност и креативност – вредности кои се темел на секоја квалитетна предучилишна установа.
Свеченото отворање е закажано за четврток, а се очекува голем број граѓани, родители и јавни личности да присуствуваат на настанот.
