Премиерот Христијан Мицкоски, придружуван од директорот на Дирекцијата за заштита и спасување (ДЗС), Стојанче Ангелов, денеска го посети ловиштето Јасен, каде што веќе неколку дена се одвиваат активности за гаснење на пожар.
Според изјавата на Мицкоски, пожарот во Јасен е делумно под контрола, иако сè уште има активни пламени јазици. Во гаснењето се вклучени воздухоплови, „Ер трактори“ и хеликоптери.
Премиерот информираше дека во текот на вчерашниот ден имало 34 активни пожари на територијата на Македонија, од кои 33 се целосно изгаснати. Останатите делови од државата се под контрола.
Мицкоски упати огромна благодарност до сите вработени во ДЗС, припадниците на специјалните единици на МВР и Министерството за одбрана за нивната храброст и посветеност во борбата со огнената стихија.
