Институтот за јавно здравје издаде препораки за заштита на граѓаните од загадениот воздух, особено во близина на подрачјата зафатени со пожари.
За да се заштитат од штетните субстанции, се препорачуваат следниве мерки:
- Во областите со загаден воздух, особено во близина на пожари, останете дома и затворете ги прозорците.
- Исклучете ги клима-уредите и вентилацијата што вшмукува надворешен воздух за да спречите влез на чад.
- Редовно следете ги официјалните соопштенија за квалитетот на воздухот.
- Лица со респираторни заболувања, мали деца, постари лица и бремени жени треба да избегнуваат излегување на отворено.
- Доколку мора да се движите на отворено во близина на пожарите, користете соодветни маски.
- Установите за нега на стари лица треба да преземат мерки за да ја минимизираат изложеноста на отворено на оваа група.
- Обратете внимание на симптоми како кашлица, отежнато дишење, главоболка или иритација на очите, носот и грлото и побарајте медицинска помош доколку ги забележите.
- Воздржете се од контакт со отпад од погодените области додека не се добие официјална дозвола за пристап.
- Следете ги упатствата од јавните здравствени установи и службите за итни случаи, вклучувајќи ги и оние за евентуална евакуација.
