Секторот за внатрешни работи (СВР) Битола поднесе кривична пријава против четири лица осомничени за кривично дело „предизвикување општа опасност“ по фрлање експлозивна направа во градот.
Лицата се идентификувани како:
- Б.А. (33) од Битола
- Н.Ц. (25) од село Ерековци, со живеалиште во Битола
- И.Ѓ. (40) од Битола
- П.Д. (38) од Битола
Според пријавата, на 12 јули 2025 година, околу 02:05 часот, Б.А. и Н.Ц. дошле со моторцикл до една куќа и Б.А. фрлил експлозивна направа. Како последица на експлозијата, оштетени биле фасади на куќи, прозорци и врати, а биле запалени и седум возила. П.Д. му помогнал на Б.А. да ги сокрие доказите.
Полицијата, со наредба на суд, извршила претреси на повеќе локации и пронашла рачна бомба, марихуана, шише со непозната течност и семки, солзавец, како и други предмети поврзани со кривичното дело.
Б.А., Н.Ц. и П.Д. се уапсени, а полицијата сè уште трага по И.Ѓ.
