Четири лица, осомничени за пожарот во магацин за рециклирање отпад во скопската населба Трубарево, остануваат во притвор уште најмалку 48 часа. Јавното обвинителство соопшти дека се испитуваат нивните конкретни дејствија и потенцијална одговорност и на други лица.
Осомничените се:
- 56-годишен управител и сопственик на две правни лица.
- 22-годишна управителка на трето правно лице.
- 42-годишник, раководител на подружница.
- 59-годишник, вработен во правно лице.
Пожарот избувна на 13 септември околу 14 часот и гореше повеќе од 15 часа, испуштајќи канцерогени честички од опасниот отпад. Денеска се очекува да почне и увидот на лице место за утврдување на причините за пожарот.
