Денешниот ден ќе биде променливо облачен, а претпладне по одделни котлини се очекува појава на магла. Попладне и во текот на ноќта ќе има повремени локални врнежи од дожд, со услови за ретки грмежи. Ќе дува слаб до умерен ветер од јужен правец. Минималната температура ќе биде од 1 до 8, а максималната ќе достигне од 16 до 21 степен, информираат од УХМР.
Во Скопје, времето ќе биде променливо облачно, со појава на слаба магла во делови од котлината во претпладневните часови. Попладне и во текот на ноќта ќе има повремени врнежи од дожд. Ќе дува слаб ветер од југоисточен правец. Минималната температура ќе се спушти до 5, а максималната ќе достигне до 18 степени.
Следува период на променливо облачно време со појава на утринска магла по одделни котлини.
Вторник: Ќе има повремени локални врнежи од дожд и ќе дува умерен, повремено засилен северен ветер. Дневната температура ќе опадне за неколку степени.
Среда и четврток: Ќе преовладува претежно стабилно време.
Следен викенд: Повторно се очекуваат локални врнежи од дожд.
