Денеска, времето ќе биде променливо облачно, посвежо и ветровито, со повремени сончеви периоди. Ќе дува умерен, на места повремено засилен северен ветер, со брзина над 60 километри на час. Кон крајот на денот облачноста ќе се намали.
Минималната температура ќе се движи од 8 до 17 степени.
Максималната температура ќе достигне од 21 до 29 степени.
Во Скопје ќе биде променливо облачно со сончеви периоди. Ќе дува умерен, повремено засилен северен ветер. Кон крајот на денот облачноста ќе се намали. Минималната температура ќе се спушти до 16, а максималната ќе достигне до 26 степени.
Според УХМР, во четврток времето ќе остане посвежо и ветровито. Потоа, се очекуваат сончеви денови со посвежи утра и постепен пораст на дневните температури.
