Порталот Рацин.мк на 29 август објави текст во кој го поставува прашањето за поврзаноста на кандидатот за градоначалник на Скопје, проф. Горан Марковски, со фирмата ДИПКО ДООЕЛ.
ДИПКО е компанија основана и во сопственост на Градежниот факултет при УКИМ, каде што Марковски е декан. Рацин.мк, по една недела без одговор, повторно ги испратија прашањата до Деканатот на Факултетот и до самиот Марковски.
Прашањата што ги постави порталот се однесуваат на следниве точки:
- Зошто е основана фирмата? Потребата од формирање на ДИПКО, кога и Факултетот ги покрива истите дејности како инженеринг, проектирање и консалтинг.
- Кој работи во ДИПКО? Дали професори од Градежниот факултет, вклучувајќи го и деканот Марковски, се вклучени во зделките на фирмата?
- Финансиски податоци. Според објавените податоци, приходите на ДИПКО значително се зголемиле во последните години:
- 2022 година: 14.598.000 денари
- 2023 година: 25.562.000 денари
- 2024 година: 76.049.000 денари
Рацин.мк исто така наведува дека ДИПКО учествувала во студијата за оценка на влијанието врз животната средина за рудникот Саса, како и во изработка на софтверски модул за „Дигитекс Системс“.
