Иако Реал Мадрид под водство на Чави Алонсо игра добро, многумина сугерираат дека „кралскиот клуб“ се соочува со сериозни проблеми во средниот ред, каде што е тешко да се најдат соодветни замени за ветераните Тони Крос и Лука Модриќ.
Претседателот на Реал, Флорентино Перез, е наводно подготвен да го реши ова горливо прашање со издвојување на огромна сума пари.
Главна цел на Перез за следното лето е Родри, освојувачот на Златната топка во 2024 година и играч од средниот ред на Манчестер Сити.
Според шпанскиот весник Мундо Депортиво, кој се повикува на Мадрид Универзал, Реал Мадрид повторно ќе се обиде да го доведе 29-годишниот Шпанец.
Минатото лето, Реал Мадрид понудил 100 милиони евра, но Манчестер Сити одбил. Сепак, Перез е подготвен да ја подигне понудата на дури 150 милиони евра.
Со оглед на тоа што Родри на крајот од сезоната ќе наполни 30 години, оваа сума би била речиси неодолива за „Граѓаните“. Дополнително, доколку Пеп Гвардиола повторно ја пропушти титулата, неговото место на клупата ќе биде разнишано, а шансите Родри да замине со него би биле големи.
Доколку овој трансфер се реализира, Родри би станал најскапиот играч во историјата на Реал Мадрид, надминувајќи ги Џуд Белингам (127 милиони евра) и Еден Азар (околу 115 милиони евра).
