Руската Федерална медицинска биолошка агенција (ФМБА) успешно ги заврши претклиничките испитувања на вакцината против рак и поднесе барање до Министерството за здравство за добивање лиценца за клиничка употреба. Ова го објави раководителката на агенцијата, Вероника Скворцова.
Скворцова истакна дека истражувањето траело неколку години и ја потврдило безбедноста и високата ефикасност на вакцината во намалувањето на големината и растот на туморите, како и во продолжувањето на преживувањето на пациентите.
Според Скворцова, вакцината првично ќе се користи за третман на колоректален карцином. Потоа, ФМБА планира да ја примени и кај уште два вида тумори:
- Глиобластом (малиген тумор на мозокот)
- Одредени видови на меланом, вклучувајќи ги и оние на очните мембрани.
Таа потсети дека агенцијата планира да започне со употреба на вакцината за персонализиран третман на пациенти од 2025 година.
