Во Белата куќа денеска се одржа самит на кој учествуваа американскиот претседател Доналд Трамп, украинскиот претседател Володимир Зеленски, лидерите на Европската Унија и генералниот секретар на НАТО. Целта на средбата е да се разговара за изнаоѓање решение за ставање крај на војната во Украина.
Трамп: „Работиме на истата цел“
Пред почетокот на состанокот, британскиот премиер Кир Стармер накратко разговараше со американскиот потпретседател Џ.Д. Венс.
На отворањето на самитот, претседателот Трамп изјави: „Ви благодарам за сите прекрасни работи што се случија денес. Досега имавме многу успешен ден и важни разговори додека работиме на ставање крај на убиствата и запирање на војната во Украина“.
Тој додаде дека сите присутни „работат кон истата цел“ и најави дека по завршувањето на состанокот ќе разговара со рускиот претседател Владимир Путин.
