Градоначалникот на Општина Пробиштип, Драган Атанасов, со свечена академија го одбележа јубилејот 70 години постоење на општината. На настанот беа доделени признанија на личности, фирми и институции кои дале значаен придонес за развојот на градот.
Атанасов истакна дека Општината и понатаму ќе продолжи да биде партнер и поддршка на граѓаните и приватниот сектор, и дека ќе остане отворена за идеи, критики и предлози.
„И во иднина ќе продолжиме да работиме за подобри услови за сите граѓани, и остануваме да бидеме сервис на граѓаните“, напиша Атанасов.
На крајот, градоначалникот го честиташе Денот на Општина Пробиштип, Денот на рударите и големиот христијански празник Успение на Пресвета Богородица.
