Социјалдемократскиот сојуз на Македонија (СДСМ) излезе со реакција на соопштението на ВМРО-ДПМНЕ, обвинувајќи ја опозициската партија дека во изминатите четири години не изградила ниту една од ветените четири нови градинки во Општина Аеродром.
СДСМ нагласува дека овие градинки, кои биле ветувани во Острово, Мичурин, Лисиче и Долно Лисиче, биле прв приоритет во програмата на поранешниот градоначалник Муцунски и актуелниот в.д. градоначалник Митески во 2021 година, но резултатот е „нула реализација“.
„Денеска, Митевски по стапките на Муцунски пред граѓаните настапува со поголема лага: дека ќе изгради 5 нови градинки“, се вели во соопштението, додавајќи дека ваквото однесување на ВМРО-ДПМНЕ е „безобразно и срамно“.
СДСМ посочува дека над 700 деца секоја година остануваат на листа за чекање поради недостиг на капацитети. Партијата ги прашува в.д. градоначалникот Дејан Митески и неговиот претходник Муцунски за судбината на конкретните ветени локации:
Каде е ветената градинка кај ОУ „Браќа Миладиновци“?
Каде е ветената градинка во дворот на ОУ „Блаже Конески“?
Каде е ветената градинка кај последна 17-ка на Тодор Чангов?
Каде е ветената градинка во Долно Лисиче?
„Полни усти со ветувања пред изборите во 2021 година, 4 години подоцна уште поголеми ветувања, а нула реализација. Граѓаните на Аеродром не заслужуваат вакви лажни проекти и лажни ветувања. Времето на ВМРО-ДПМНЕ и Дејан Митески во општина Аеродром, заврши!“, заклучуваат од СДСМ.
