Портпаролката на СДСМ, Богданка Кузеска, изјави дека е очигледен стравот на премиерот Христијан Мицкоски од декласификација на материјалите од Агенцијата за национална безбедност (АНБ), кои треба да го докажат неговото наводно следење.
Според Кузеска, со вчерашната изјава, Мицкоски потврдил дека нема намера да ги објави документите со кои тврдеше дека бил нелегално следен.
Кузеска постави серија прашања, барајќи одговори од Владата и премиерот:
- Зошто се плашат да ја објават содржината на материјалите од наводното следење?
- Што има во тие документи што го плаши Мицкоски?
- Дали документите содржат докази за соработка на Мицкоски со странски непријателски служби?
- Дали Мицкоски работел на штета на интересите на државата за странски пари?
- Дали имал комуникација со руски агентури кои финансирале екстремизам и дестабилизација?
- Дали документите содржат наводи за нелегално финансирање на ВМРО-ДПМНЕ поврзано со „Делчевски ниви“?
Кузеска го повика директорот на АНБ, Бојан Христовски, да ги декласифицира документите доколку премиерот се плаши да го стори тоа, ставајќи го државниот интерес пред партискиот.
