Попладнево, по силно невреме и интензивни ветрови, во повеќе делови од Скопје се предизвикани материјални штети и регистрирани се пожари.
Центарот за управување со кризи (ЦУК) е во постојана координација со сите релевантни служби. Директорот на ЦУК, Мухамед Алу, ги координира активностите на терен. Според досегашните информации, нема повредени лица.
ЦУК ги повикува граѓаните кои претрпеле штети или забележале ризици веднаш да се јават на бројот за итни повици 112.
Пријавени штети и пожари
Пожари: Забележани се пожари кај селото Крушопек на планината Водно, предизвикан од искрење на жици за електрична енергија. Пожар има и во близина на спортската сала „Борис Трајковски“, како и во скопското село Волково.
Материјални штети: Во Ѓорче Петров силниот ветер откорнал покрив на зграда. Пријавени се и паднати дрва кои го блокираат сообраќајот низ градот.
