Претседателката Гордана Сиљановска-Давкова го предложи Трајко Славески за нов гувернер на Народната банка на Република Македонија. Од нејзиниот кабинет информираат дека одлуката е донесена врз основа на стручноста, компетентноста, дигнитетот и интегритетот на Славески, како и неговата реална можност за именување.
Славески, кој моментално е претседавач со Советот на Град Скопје, е познат по своето искуство и експертиза во економијата. Изборот за гувернер е од големо значење за стабилноста на монетарната политика и финансискиот систем на земјата.
