Претседателот на Република Словачка, Петер Пелегрини, денеска ќе престојува во официјална посета на Северна Македонија. Тој ќе биде пречекан со највисоки државни и воени почести од претседателката Гордана Сиљановска-Давкова.
По церемонијалниот пречек во Кабинетот на претседателката, предвидени се следните активности:
- Тет-а-тет средба меѓу двајцата претседатели.
- Пленарен состанок на македонската и словачката делегација.
Потпишување Меморандум за соработка во областа на економијата од страна на министерот за надворешни работи Тимчо Муцунски и словачкиот министер за економија Владимир Шимоњак.
Заедничка прес-конференција на претседателката Сиљановска-Давкова и претседателот Пелегрини.
Во рамки на посетата, словачкиот претседател ќе го посети и Собранието, каде што ќе има средба со претседателот на законодавниот дом Африм Гаши.
Пелегрини, исто така, ќе положи венец на гробот на Гоце Делчев во црквата „Св. Спас“ во Скопје.
