Претседателот на Сојузот на стопански комори (ССКМ), Горан Ѓорѓиевски, на покана на претседателот на Владата, присуствуваше на средба со Мохамед Али Рашед Лута, претседател и главен извршен директор на Стопанската комора на Дубаи.
Средбата се фокусираше на унапредување на економската соработка меѓу Македонија и Дубаи, со цел да се поттикнат трговските текови, да се разменуваат знаења и искуства, како и да се создадат нови можности за македонските компании.
Од ССКМ нагласуваат дека е клучно да се изградат долгорочни партнерства меѓу стопанствата на двете земји за да се поттикне економскиот развој и да се обезбеди одржлив просперитет.
