Пратеникот од СДСМ, Оливер Спасовски, денеска присуствуваше на Света Божествена Литургија во манастирот „Св. Јоаким Осоговски“ во Крива Паланка, по повод празникот посветен на светецот, кој е патрон на манастирот и заштитник на градот.
На литургијата, покрај Спасовски, присуствуваа и градоначалникот на Крива Паланка, Сашко Митовски, како и пратеникот Љупчо Николовски.
Во својата објава, Спасовски го опиша Свети Јоаким Осоговски како голем светец, чии подвизи се пример за сите генерации.
Тој им посака добро здравје и духовен мир на сите православни верници, честитајќи им го празникот.
