Српската кошаркарска репрезентација ја победи Летонија со 84:80 во дербито од групата А, забележувајќи го својот трет триумф.
Најзаслужен за победата беше Никола Јокиќ, кој постави нов рекорд за српскиот национален тим со постигнати 39 поени. Со овој резултат, тој го надмина својот и претходниот рекорд на Милош Теодосиќ од по 32 поени. Јокиќ натпреварот го заврши и со 10 скока, 4 асистенции и 3 украдени топки.
Покрај Јокиќ, двоцифрени во српскиот тим беа и Филип Петрушев со 12 поени и Марко Гудуриќ со 11 поени.
Во летонскиот тим, најдобри беа Давис Бертанс со 16 поени и 10 скока, додека Кристапс Порзингис постигна 14 поени.
