Гувернерот на Народната банка, Трајко Славески, се сретна со словенечкиот амбасадор, Грегор Прескер, и економскиот советник Горан Криж. На средбата се разговараше за улогата на Народната банка во одржувањето на макроекономската стабилност и за важноста на довербата во финансискиот систем за економскиот развој и инвестициите.
Гувернерот Славески ја истакна посветеноста на Народната банка кон овие принципи, а воедно се осврна и на заложбите за намалување на надоместоците на банкарските услуги, со цел да се направат финансиските услуги подостапни за сите.
Амбасадорот Прескер ги нагласи добрите економски врски меѓу двете земји, особено во финансискиот сектор, каде што се активни голем број словенечки компании. Тој изрази задоволство од заложбите на Народната банка и ја потврди понатамошната поддршка од Словенија, вклучително и преку Центарот за обуки ЦЕФ.
Средбата е оценета како можност за продлабочување на билатералните односи и унапредување на соработката меѓу двете земји.
