Во сабота, на 20 септември 2025 година, на Чаршискиот мост во Струга ќе се одржи хуманитарната детска трка „Боград“, организирана од „Дрим Ран“ и „Боград“, посветена на децата со ретки болести. Настанот се одвива под мотото: „Трчај со срце. Трчај за некого.“
Ова е првпат да се организира ваков настан со цел да се подигне свеста и да се обезбеди поддршка за најмладите херои кои се борат со ретки болести. Трката е поделена во четири возрасни категории, за да можат да учествуваат деца од сите возрасти:
- Деца до 5 години
- Деца од 6 до 8 години
- Деца од 9 до 11 години
- Деца од 12 до 14 години
Сите учесници ќе добијат маичка, медал, подароци од спонзори и професионални фотографии од настанот. Организаторите најавуваат одлична атмосфера со музика, балони, боички и многу детска енергија.
Пријавувањето за трката е отворено, а повеќе информации може да се најдат на официјалната веб-страница на „Дрим Ран“.
