Преговорите меѓу Демократската партија на Албанците (ДПА) и Демократската унија за интеграција (ДУИ) не успеаја да доведат до договор, соопшти денеска претседателот на ДПА, Мендух Тачи.
Во својата изјава, Тачи со жалење констатира дека разговорите со лидерот на ДУИ, Али Ахмети, не дале резултат. По ова, ДПА ќе одржи Собрание на партијата во недела, каде што ќе бидат донесени конечни заклучоци за идниот правец на дејствување.
„Органите на партијата ќе го одредат следниот чекор“, нагласи Тачи, без да даде дополнителни детали за причините за неуспехот на преговорите.
