Министерството за здравство ги известува граѓаните дека според најновите податоци од Управата за хидрометеоролошки работи (УХМР), во периодот од 8 до 13 август 2025 година, Македонија ќе биде зафатена од топлотен бран, со дневни температури кои можат да достигнат и до 39°C во одредени региони.
Во таа насока, се апелира на строго почитување на општите мерки за заштита од високи температури:
- Престој во разладени простории, особено од 11:00 до 17:00 часот
- Зголемен внес на течности, без алкохол и засладени пијалаци
- Лесна и светла облека, заштита за глава и очи
- Избегнување физичка активност во најтоплите часови
- Посебно внимание на деца, стари лица, хронично болни и бремени жени
- При симптоми како вртоглавица, гадење, главоболка или забрзан пулс – веднаш побарајте лекар
- Одложување активности на отворено
- Одржување температура до 25°C во работни и домашни простории
Министерството напомена дека редовно ја следи состојбата и ќе реагира навремено со дополнителни мерки доколку е потребно.
