Снабдувањето со вода за пиење во Тетово денеска е прекинато откако е оштетена главната водоводна линија Лешница, информира ЈКП „Шар“. Според јавното претпријатие, штетата е предизвикана од непознати лица кои користеле остри алатки за да ја оштетат мрежата.
Екипите на ЈКП „Шар“ веднаш излегле на терен и работат со полн капацитет за да го санираат дефектот и што поскоро да го нормализираат водоснабдувањето.
„Нашите екипи се ангажирани без прекин со цел што побрзо нормализирање на водоснабдувањето,“ наведуваат од ЈКП „Шар“, апелирајќи до граѓаните да покажат разбирање додека траат поправките.
Од претпријатието уверуваат дека водоснабдувањето ќе биде воспоставено веднаш по санацијата на оштетената линија.
