Американскиот претседател Доналд Трамп разгледува опција за воени напади против нарко-картелите кои дејствуваат во Венецуела, објави Си-Ен-Ен, повикувајќи се на повеќе извори. Според информациите, нападите би можеле да бидат извршени и на територијата на Венецуела.
Тензиите меѓу двете земји се ескалираат, а претседателот на Венецуела, Николас Мадуро, изјави дека Каракас е подготвен да премине од „политичка фаза“ во „фаза на вооружена борба“ доколку САД извршат каков било напад.
„Моментално сме во политичка фаза. Но, ако Венецуела биде нападната на кој било начин, ќе преминеме во фаза на вооружена борба“, рече Мадуро во изјава за венецуелската државна телевизија.
