Претседателот на САД, Доналд Трамп, најави можност за нови санкции кон Русија доколку не се постигне прекин на огнот во Украина до петок. Во изјава дадена пред новинарите пред да се качи на претседателскиот авион „Ер Форс Уан“, Трамп откри дека специјалниот претставник Стив Виткоф би можел да ја посети Русија веќе в среда или четврток.
„Ќе има санкции, но тие се доста добри во избегнувањето на санкции“, рече Трамп, додавајќи: „Тие се паметни и знаат како да избегнат санкции, па ќе видиме што ќе се случи.“
Оваа изјава доаѓа во време на зголемени тензии на источноевропскиот фронт, додека Вашингтон ја засилува дипломатската активност во обид да издејствува стабилизирање на состојбата. САД инсистираат на итен прекин на огнот, а Трамп истакна дека нема да се двоуми да преземе дополнителни чекори против Москва доколку не се постигне напредок.
