Американскиот претседател Доналд Трамп вчера потврди дека ја овластил ЦИА да спроведува тајни операции во Венецуела, јави ДПА.
На прес-конференција во Белата куќа, Трамп како причина го наведе проблемот со дрогата што доаѓа од Венецуела, велејќи дека САД ги „испразниле своите затворите“.
Трамп одби да одговори дали ЦИА има овластување да го „отстрани“ авторитативниот венецуелски претседател Николас Мадуро, кого САД го обвинуваат за вмешаност во меѓународна трговија со дрога.
Претседателот најави дека неговата администрација разгледува мерки за сузбивање на операциите против дрога по копно, покрај воздушните напади што американската војска ги спроведува врз бродови за кои се сомнева дека носат дрога во Карибите.
Активностите на американската војска во Карибите, каде што во последните недели постојано пукала врз бродови со осомничени шверцери на дрога и притоа биле убиени повеќе од 20 лица, предизвикаа широки критики. Критиките се однесуваа на тоа што американската влада првично не обезбеди законска основа за нападите. Обединетите нации претходно овој месец ја повикаа американската влада на воздржаност.
Американските медиуми објавија дека Трамп утврдил оти САД се во „вооружен конфликт“ со нарко-картелите, прогласувајќи ги шверцерите за „нелегални борци“, а нарко-картелите за терористички организации.
