Синоќа во Битола, во полициска станица е пријавен физички напад врз лицето Љ.А. од демирхисарско. Според пријавата, тој бил физички нападнат од четири лица кои не ги познава.
Полициските службеници од Секторот за внатрешни работи (СВР) Битола веднаш реагирале. Како резултат на брзата интервенција, четирите лица осомничени за нападот се пронајдени и уапсени.
Утврдено е дека напаѓачите се со место на живеење од Скопје и Неготино.
Тие се задржани во полициска станица, а против нив, по документирање на случајот, ќе биде поднесена соодветна пријава за стореното кривично дело.
