Рускиот тенисер Данил Медведев е казнет со вкупно 150.000 долари од организаторите на УС Опен, по неговото неспортско однесување на вчерашниот натпревар против Бенжамин Бонзи.
Медведев, кој беше елиминиран во првото коло, беше казнет со 100.000 долари за „неспортско однесување и насилство со рекетот“. За време на мечот, тој беше забележан како прави навредливи гестови кон противникот, го крши рекетот и предизвикува хаос на теренот.
Дополнителна казна од 50.000 долари му е изречена за навреди кон судијата на мечот, Грег Аленсворт.
