Синоќа, на роденденската прослава на детето на Невена Спасеска, се случил инцидент во кој физички биле нападнати нејзиниот татко и брат. Според очевидци, нападот го извршил поранешниот сопруг на Спасеска, удирајќи ги со боксови.
Инцидентот предизвикал голема паника и вознемиреност кај присутните, а децата што биле на прославата почнале да пискаат од страв. Настанот веднаш бил пријавен во Полициската станица Карпош, а полицијата работи на негово расчистување.
Поранешниот сопруг на Невена Спасеска е познат и по претходен инцидент во кој бил вклучен напад врз пратеничката Славјанка Петровска.
За потсетување, Невена Спасеска е мајка која првично беше лишена од старателството над нејзиното четиригодишно дете, но Врховниот суд подоцна ја поништи пресудата, давајќи ѝ нова можност да го врати детето и да продолжи како законски старател.
