Градоначалникот на Општина Центар, Горан Герасимовски, информираше дека Денот на ослободувањето на Скопје, 13 Ноември, бил одбележан во Дебар Маало со хуманитарен настан – Фестивал на симит и погача. Целта на настанот била да се соберат средства за Здружението „Супорт Кочани“.
Ова е вторпат како општината ја воспоставува оваа традиција на хуманитарен базар во срцето на Скопје.
Герасимовски упати голема благодарност до сите кои се вклучија во хуманитарната цел:
Активот на жени пензионерки од Центар, кои ја подготвиле храната за базарот.
Здружението на пензионери на Општина Центар.
Учениците од општинските училишта.
Сите учесници кои придонеле настанот да биде топол и незаборавен.
Градоначалникот истакна дека настанот ги сплотил младите и повозрасните во една заедничка хуманитарна мисија.
