Орце Ѓорѓиевски, кандидатот за градоначалник на Град Скопје од ВМРО-ДПМНЕ, објави дека се сретнал со градските угостители, со цел да разговараат за заживување на ноќниот живот во градот.
Ѓорѓиевски истакна дека угостителите се „моторот на градската економија“ и дека Скопје заслужува да биде полно со „енергија, младост и креативност“. Тој додаде дека тоа е можно само со силна поддршка и партнерство со угостителскиот сектор.
Посебен советник за угостителите
Како резултат на средбата, Ѓорѓиевски најави дека во неговиот кабинет ќе има посебен советник за угостители.
Тој објасни дека овој советник ќе биде избран од самите угостители и ќе служи како мост за заедничко градење на политики и решенија.
Ѓорѓиевски ја изрази својата благодарност за поддршката и конструктивната дебата, со порака дека заедно ќе го направат Скопје „град на култура и силна економија“.
