Градот Скопје организира јавна дискусија за изработката на новиот Генерален урбанистички план (ГУП) 2022–2032, со цел да ги вклучи граѓаните во процесот на планирање и уредување на просторот.
Дискусијата за градските четврти во Општина Ѓорче Петров ќе се одржи на 15 август, во салата на Град Скопје (барака 13). За секоја четврт е предвиден посебен термин:
- Градска четврт СЗ 20: од 9 до 10 часот
- Градска четврт СЗ 21: од 10 до 11 часот
- Градска четврт СЗ 24: од 11 до 12 часот
- Градска четврт СЗ 25: од 12 до 13 часот
Граѓаните можат да дадат свои предлози, мислења и забелешки директно за време на дискусијата. Дополнително, можат да ги достават и писмено, во архивата на Град Скопје (барака 16), или по електронски пат на адресата gup@skopje.gov.mk.
Градот Скопје ги повикува сите заинтересирани граѓани и претставници на заедницата да се вклучат во овој процес од јавен интерес.
