Јапонски аматерски боксер е во кома по операција на мозокот, откако се онесвестил за време на борба на 8 август, соопшти Јапонската боксерска федерација (JBF).
Идентитетот на 39-годишниот боксер не е откриен, но Федерацијата потврди дека тој се онесвестил по третата рунда од борбата во Токио. Тој бил итно префрлен во болница, каде што е опериран и се наоѓа на интензивна нега. JBF додаде дека боксерот не се борел повеќе од една деценија, а неодамна продолжил со тренинзите.
Овој инцидент доаѓа во време кога јапонскиот боксерски свет е во шок од два неодамнешни смртни случаи. На 2 август, 28-годишните Шигетоши Котари и Хиромаса Уракава починаа од повреди здобиени за време на натпревари на истиот настан.
По овие трагични настани, јапонските боксерски претставници одржаа состаноци и ветија дека ќе воведат нови безбедносни прописи.
